Aýǵanstan bıligi qatelesip «Talıbannyń» 12 beldi múshesin túrmeden bosatyp jibergen
ASTANA. QazAqparat - Aýǵanstan bıligi qatelesip «Talıban» qozǵalysynyń 12 beldi múshesin túrmeden bosatyp jibergen. Bul týraly Kandagar ońtústik provıntsııasy boıynsha ІІM basqarmasynyń resmı ókili Zıaýl Rahman Dýrranı málim etti.
«Aýǵan barlaý qyzmetinen Kandagar provıntsııasynyń ortalyq túrmesine 30 sottalýshyny bosatý týraly hat kelip tústi, - dep málimdedi ol. - Olardyń ishindegi 18-i shynymen kinásizder. Al 12 qaýipti ekstremıstiń aty belgisiz jaǵdaıda negizgi tizimge qosylyp ketken». Polıtsııanyń málimetinshe, olardyń ekeýi ustalyp, túrmege qaıta qamaldy. «Qalǵan on sodyrdyń izine tústik», - dep qosty ol. Mundaı qatelikke qalaı jol berilgenin Dýrranı túsindire almady. Arnaıy qurylǵan komıssııa qazir bul qupııanyń syryn ashýǵa bar kúshin salýda. Kóp uzamaı tergeý nátıjeleri Aýǵanstan bıliginie beriledi, dep habarlaıdy ITAR-TASS.
