Aýǵanstan bıligi: Eń alyp bomba ıslam memleketiniń 90 sodyrynyń kózin joıdy
ASTANA. QazAqparat - AQSh-tyń avıasoqqysy saldarynan «Islam memleketi» tobynyń kem degende 90 sodyry kóz jumdy, olarǵa el arsenalyndaǵy ıadrolyq emes qýatty bombalardyń biri qoldanyldy, dep habarlady Bı-bı-sıge Nangarhar provıntsııasyndaǵy aýǵandyq Achın aýdanynyń gýbernatory Ismaıl Shınvarı.
Onyń aıtýynsha, beıbit azamattar arasynda qurbandar joq.
Aýǵanstannyń premer-mınıstri Abdýlla Abdýlla atap ótkendeı, soqqy aýǵandyq bılikpen birlesip, azamattyq tulǵalarǵa zııan keltirmeý úshin asa saqtyqpen jasaldy.
Bul rette Bı-bı-sıge jergilikti turǵyndardyń biri jarylys saldarynan birneshe úıdiń joıylǵanyn habarlady. Ol sondaı-aq qýatty jarylys «túngi aspandy jaryqtandyryp jibergenin» aıtty.
GBU-43/B MOAB bombasynyń uzyndyǵy toǵyz metr, salmaǵy 10 tonna, "bombalardyń atasy" degen atpen belgili. Alǵash ret 2003 jyly qoldanyldy, odan buryn soǵys jaǵdaıynda qoldanylmaǵan.
