Aýǵanstan azamatynyń kóligin tartyp alǵan 4 jergilikti turǵyndar quryqtaldy - OQO
ASTANA. 6 naýryz. QazAqparat - Almaty qalalyq ІІD qyzmetkerleriniń Ońtústik Qazaqstan oblysy Ordabasy aýdanynda júrgizgen izdestirý sharalary barysynda Aýǵanstan Respýblıkasynyń azamatyna qaraqshylyq shabýyl jasaǵan 4 jergilikti turǵyn tutqynǵa alynyp, ýaqytsha qamaý abaqtysyna toǵytyldy.
Bul týraly búgin ótken aptalyq brıfıngte QR ІІM resmı ókili Nurdildá Oraz málim etti.
Belgili bolǵandaı, kúdiktiler «Toyota Camry-40» markaly avtokóligin ıelený maqsatynda qosalqy bólshekterdi satýmen aınalysatyn 25 jastaǵy jábirlenýshini úıdiń kireberisinde torýyldaıdy.Kúdiktiler oǵan pyshaq taqap qorqytý arqyly basyn matamen qymtap, qolyn baılaıdy da belgisiz baǵytqa alyp ketedi. Qaskúnemder avtokólik salonynda jábirlenýshiniń 200 myń teńgesin, uıaly telefonyn jáne avtokóliktiń kiltin tartyp alady. Sodan soń «Almaty-Qapshaǵaı» baǵytyndaǵy jol boıyna - en dalaǵa qaldyryp, ózderi boı tasalaıdy. Jol-jónekeı kólikpen úıine jetken jábirlenýshi avtokóliginiń urlanǵandyǵyn kórip, polıtsııaǵa aryzdanǵan. Keltirilgen zalaldyń jalpy quny 3 mıllıon 900 myń teńgeni qurady. Qazirgi tańda urlanǵan avtokólik, ıesine qaıtarylyp, qaraqshylyq shabýyly faktisi boıynsha tergeý júrgizilip jatyr.
