Aýǵanstan azamaty Qazaqstannan bosqyn mártebesin ala almaı júr
ALMATY. QazAqparat - Almaly aýdandyq №2 sotynda Aýǵanstan azamatynyń bosqyn statýsyn alý týraly aryzy qaralyp, naqty sheshim shyǵaryldy, dep habarlaıdy QazAqparat tilshisi.
Sotqa júgingen Aýǵanstan azamaty sot bıliginen Almaty qalasy ІІD Kóshi-qon basqarmasynyń oǵan bosqyn mártebesin bermeý týraly sheshimin zańsyz dep tanýdy, sondaı-aq ol týraly sheshim shyǵarýdy mindetteý týraly suraǵan.
«Aryz berýshi Aýǵanstan Islam Respýblıkasynyń azamaty, Qazaqstan Respýblıkasyna 2016 jyly 9 qyrkúıekte kelgen. Bosqyn mártebesin ıelený týraly ótinishin sol jyldyń 23 qyrkúıeginde bergen. Biraq, jaýapker (Almaty qalasy ІІD-niń Kóshi-qon basqarmasy - red) ótinishten bas tartqan», - delingen habarlamada.
Ol sheshimge rıza bolmaǵan shetel azamaty QR ІІM Kóshi-qon qyzmet basqarmasyna shaǵymdanǵan. Biraq shaǵym ol satyda da qanaǵattandyrýsyz qaldyrylǵan. Qaıta aryz bergen ol shaǵymynda Aýǵanstan memleketiniń prokýratýrasy qýǵynǵa ushyratqanyn kórsetken. Alaıda, sot aryzda qanaǵattandyrýǵa negiz bolatyn dáleldemeler usynylǵan joq dep esepteıdi.
«Aryz berýshini bıznestegi seriktesteriniń týystary qýdalaǵany anyqtaldy», - degen sot onyń aryzyn qanaǵattandyrýsyz qaldyryldy.
Alaıda, oǵan toqtamaǵan aryz berýshi sot sheshimine apellıatsııalyq shaǵym túsirgen. Biraq Almaty qalalyq sotynyń apellıatsııalyq satysy da shaǵymdy qanaǵattandyrýsyz qaldyrdy.
Sot sheshimi zańdy kúshine endi.
