Aýǵanstan azamattary qazaqstandyq sheneýnikke para berip, Reseıge ótpek boldy - UQK
ASTANA. KAZINFORM - UQK Shekara qyzmeti «Almaty» shekaralyq baqylaý basqarmasy UQK Almaty qalasy boıynsha departamentimen birlese otyryp, prokýratýra organdarynyń úılestirýimen Qazaqstan aýmaǵy arqyly Aýǵanstan azamattarynyń Reseıge jáne odan ári Eýropa elderine zańsyz kóshi-qon arnasynyń jolyn kesti.
QR Ulttyq qaýipsizdik komıteti Shekara qyzmetiniń habarlaýynsha, bıylǵy 16 naýryzda laýazymdy tulǵaǵa 5 myń AQSh dollary kóleminde para berý áreketi kezinde Aýǵanstannyń 4 azamaty ustaldy.
Tergeý materıaldaryna sáıkes, bul qarajat sheteldikterdi Ispanııa men Portýgalııanyń jalǵan tólqujattary boıynsha Almaty qalasynyń halyqaralyq áýejaıy arqyly tasymaldaýdy uıymdastyrýǵa arnalǵan.
Qylmystyq kodekstiń 394-babynyń 1-bóliginde jáne 367-babynda kózdelgen qylmys belgileri boıynsha sotqa deıingi tergep-tekserý júrgizilýde.
«Sottyń sanktsııasymen ustalǵan adamdarǵa qamaýda ustaý túrindegi bultartpaý sharasy qoldanyldy. Qylmystyq-protsestik kodekstiń 201-babynyń 1-bóligine sáıkes ózge de aqparat jarııa etýge jatpaıdy», - delingen baspasóz-baıanynda.
