Aýǵanstan astanasynda jarylys boldy

Pajvak agenttiginiń derekterine sáıkes, aýǵandyq parlament qyzmetkeriniń birine qastandyq jasalǵan. Zardap shekkender jaıly málimet ázirge túspegen, dep habarlaıdy QazAqparat.

TOLO News telearnasy habarlaǵandaı, jarylǵysh qurylǵy Farýkı Behıshtı kóliginde iske qosylǵan, saldarynan ol jaraqat aldy. Sondaı-aq onyń oqqaǵary qaıtys bolǵany habarlanady.

"RIA Novostı" agenttigi atap ótkendeı, Aýǵanstandaǵy jaǵdaı sońǵy ýaqytta ýshyǵa túsken. Eldiń aýyldyq jerleriniń basym bóligin basyp alǵan  "Talıban" radıkaldyq toby  iri qalalarǵa shabýyldaı bastady. Sondaı-aq Aýǵanstan aýmaǵynda kóptegen elde tyıym salynǵan «Islam memleketi» lańkestik tobynyń yqpaly da artqan.