Aýǵanstan áskeri Tájikstanmen shekaradaǵy jerlerdi «Talıban» sodyrlarynan azat etip jatyr
ÁBÝ-DABI. QazAqparat - Aýǵanstannyń soltústik-batysynda aýǵan qaýipsizdik kúshteri «Talıban» qozǵalysynyń múshelerine qatysty aýqymdy áskerı operatsııa júrgizip jatyr.
Áskerı áreketterdiń oshaǵy Tádjikstanmen shektesetin (shekaralas) soltústik-shyǵystaǵy Badahshan provıntsııasynda ornalasqan. Shara Ragıstan aýdanynda bastalyp, kóterilisti basqanǵa deıin atalǵan provıntsııanyń ózge aýdandarynda jalǵaspaq.
Jergilikti polıtsııa bastyǵy Sahı Gafýrı kem degende segiz sodyr óltirilgenin, onyń ishinde shetel azamattary bolǵanyn habarlady. Óz kezeginde, Aýǵanstannyń qaýipsizdik kúshteri eki áskerı qyzmetkerden aıyryldy.
«Maqsatymyz - Badahshandy sodyrlardan bosatý», - dedi S.Gafýrı. Ol úkimet áskerı Aýǵanstannyń ózge de birneshe provıntsııasyn qaıtarǵanyn aıtty. Aýǵandyq taraptyń málimetinshe, Ragıstan aýdanyndaǵy 50-den astam aýyldy «Talıban» toptary basyp aldy.
Provıntsııa polıtsııasynyń basshylyǵy sharanyń sátti ótetinine úmit artyp otyr. Provıntsııada jaýlap alynǵan aýdandardy qaıtarǵan soń qosymsha baqylaý pýnktterin qurý kózdelip otyr.
