Aýǵandyqtardyń 70 paıyzdan astamy aýyzsýǵa zárý
ASTANA. 11 qańtar. QazAqparat - Resmı statıstıkaǵa sáıkes aýǵan halqynyń 73 paıyzy aýyzsýǵa qol jetkize almaı otyr, al 95 paıyzynyń deni durys káriz júıesi joq, dep habarlady Iinanews basylymy.
muslim.kz saıtynyń jazýynsha, osynyń nátıjesinde, ásirese, jaramsyz sýdy paıdalaný saldarynan bul elde syrqat túrleri keńinen taraǵan. Aýrýdan kúnine 133 bala kókteı solyp, kóz jumady. Jylyna bul kórsetkish 48,545 myńǵa jetip jyǵylatyn kórinedi.
Aýyzsýdyń joqtyǵy men káriz júıesine qatysty másele aýǵan halqynyń bas aýrýyna aınalyp otyr. Aýyldyq jerler ǵana emes, sonymen birge, jyldam qarqynmen ósip kele jatqan aýǵan qalalarynyń kóbisi osyndaı túıtkilmen betpe-bet kelip otyr.
Túıinge aınalǵan túıtkildi tarqatý úshin qalalyq eldimekenderdiń jospar-jobasyn qolǵa alýy kerek. Aýǵanstan astanasy - Qabýl turǵyndarynyń tek 25 paıyzy ǵana aýyzsý iship otyr deýge bolady. El turǵyndarynyń kóbisi ózen, kól, qudyq sekildi sý kózderine qol jetkize almaı otyr.
Osy aıtylǵan sý kózderiniń kóbisi lastanǵan. Іndet oshaǵyna aınalyp otyrǵan jaıy bar. Osynyń kesirinen jylyna myńdaǵan adamnyń sýishkiligi taýsylyp, dúnıeden ozady. Ásirese, balalardyń arasynda ólim-jitim kóp.
