Aýǵandyq OSK prezıdenttik saılaýǵa baqylaýshylardy tirkeýdi bastady
ASTANA. 29 sáýir. QazAqparat - Aýǵandyq táýelsiz saılaý komıssııasy (ortalyq saılaý komıssııasy) ótkizilýi 2014 jyldyń 5 sáýirine belgilengen prezıdent saılaýyna baıqaýshylardy tirkeý bastalǵanyn jarııalady, dep habarlady reseılik «Jańalyqtar» agenttigi.
AIR OSK baspasóz qyzmetiniń habarlaýynsha, 27 sáýirden bastap saılaýǵa baqylaýdy nemese onyń barysyn jarııalaýdy júzege asyrýdy kózdegen barlyq saıası partııalar, qoǵamdyq uıymdar jáne buqaralyq aqparat quraldary ózderiniń ótinimderin Kabýldegi OSK-niń syrtqy baılanystar departamentine jáne ortalyq saılaý komıssııasynyń provıntsııalardaǵy bólimshelerine berýge bolady. Úmitkerler ótinim berýge qajetti qujattar tizimimen OSK saıtynda tanysa alady.
