Aýǵan jerinde 14 mln. jarylmaǵan bomba jatyr
ASTANA. 12 naýryz. QazAqparat - Búgingi kúnde aýǵan jerinde bir mıllıonǵa jýyq mına jáne shamamen 14 mln. basqa da jarylmaı qalǵan oq-dáriler bar, dep habarlady RIA-Novostı, aýǵandyq Bahar agenttigine silteme jasaı otyryp.
Agenttiktiń habarlaýynsha, ótken senbide Kabýlda aýǵandyq Tabıǵat apattarynyń zardaptaryn joıý jónindegi basqarma men Aýǵanstandy mınadan tazartý boıynsha úılestirý ortalyǵy (MASSA) ókilderiniń ekijaqty kezdesýi boldy, onda eki vedomstvonyń kúshin biriktire otyryp, eldegi beıbit turǵyndardy mına jarylystarynan saqtandyrý jumystaryn retteý týraly kelisimge qol qoıyldy.
Tabıǵat apattarynyń zardaptaryn joıý jónindegi basqarmanyń basshysy Daem Kakardyń aıtýynsha, aýǵan jerin tolyqtaı mınadan tazartý úshin áli de 10 jyl kerek. Jarylmaı qalǵan jarylǵysh zattardyń kópshiligin keńes áskerleriniń osy elde bolǵan kezindegi mınalar quraıdy.
Bahtar agenttiginiń aıtýynsha, jergilikti sheneýnikter osydan 10 jyl buryn da dál osylaı aıtyp, aldaǵy 10 jylda eldi tolyq mınadan zararsyzdandyramyz degen kórinedi.
MACCA dırektory Farıd Gamaıýnnyń aqparatyna sáıkes, búginde beıbit halyqtyń mınaǵa túsip, zardap shegý qaýpi azaıyp kele jatyr. Eger 10 jyl buryn qarapaıym turǵyndardyń aı saıyn 150-i mınalardan zardap shegip otyrsa, qazir bul kórsetkish 40 adamǵa deıin azaıǵan, deıdi ol.
Onyń málimetinshe, búginde Aýǵanstannyń 618 sharshy shaqyrym aýmaǵy mınadan tazartylǵan joq. Ár mınany zalalsyzdandyrý kem degende 100 dollarǵa túsetinin, al mınany qurý odan áldeqaıda arzan ekendigin atap ótti ol. Sondaı-aq, dırektor «osy qıyndyqtarǵa saperlerdiń jumysyn odan saıyn qıyndatatyn oppozıtsııanyń qarýly jendetterin qosyp qoıyńyz», dep atap ótti. Onyń aıtýynsha, sodyrlar kúnine on shaqty mınalar men qoldan jasalǵan jarylǵysh zattardy quryp ketetin kórinedi.
