Aýǵan soǵysynyń ardagerleri jastardyń patrıottyq sezimin arttyrýda úlgi bolýlary kerek - general-leıtenant B. Ertaev
dep habarlaıdy QazAqparat.
Sharaǵa qatysqan «Qazaqstan ardagerleri» atty Aýǵan soǵysy ardagerleri qaýymdastyǵynyń prezıdenti, general-leıtenant, «Halyq Qaharmany» Baqytjan Ertaev, «Aýǵan soǵysynyń ardagerleri jastardyń patrıottyq sezimin arttyrýda úlgi bolý kerek», degen pikirin ortaǵa saldy. Onyń aıtýynsha, kezinde Uly Otan soǵysy ardagerlerine qarap ósken keshegi aǵa býyn urpaqtary sııaqty búgingi jastardyń da úlgi bolarlyq zamandas batyrlary bolǵan durys.
B.Ertaev atap kórsetkenindeı, osy mindetti aýǵan soǵysynyń ardagerleri tolyqtaı oryndaýǵa kúsh biriktirip otyrǵan jaıy bar.
«Osy jyly Uly Jeńistiń 65 jyldyǵy, Batyr Baýyrjan Momyshulynyń 100 jyldyǵy, Qazaqstannyń EQYU-ǵa tóraǵalyq etýi - mine osy jyly biz jastardy uıymdastyryp, olardyń eline degen maqtanyshyn, aǵalarǵa degen qurmetin, elge degen izgiligin oıatýymyz qajet», dedi ol.
«Patrıotızm tarıhy bizdiń ata-babalarymyzdan bastalatyny sózsiz. Biz qazir jer kólemi boıynsha, álemde 9-shy, Azııada 1-shi oryn alyp jatqanymyzdyń ózi babalarymyzdyń eljandylyǵynyń belgisi emes pe?! Patrıot ol - óz elin, jerin súıetin azamat qana emes, qaı laýazymda bolmasyn ol Otanynyń isine, qoǵamdyq ómirine atsalysyp jrgen azamat. Ol týǵan tilin, tarıhyn bilýi shart», dep atap kórsetti ol.
Otyrysqa QR Bilim jáne ǵylym mınıstrliginiń, «Nur Otan» HDP qalalyq fılıalynyń ókilderi, S. Nurmaǵambetov atyndaǵy Jas Ulan respýblıkalyq mektebiniń jáne bilim berý oryndarynyń ustazdary men oqýshylary qatysty.
