Aýǵan soǵysynyń ardagerleri N. Nazarbaevtyń kandıdatýrasyn tolyǵymen qoldaıdy - Halyq qaharmany B.Ertaev
ASTANA. 15 aqpan. QazAqparat /Arman Asqarov/ - Elimizdegi Aýǵan soǵysynyń ardagerleri aldaǵy saılaýda prezıdenttikke úmitker Nursultan Nazarbaevtyń kandıdatýrasyn tolyǵymen qoldaıdy.
Bul týraly búgin Astanada ótken baspasóz máslıhatynda «Aýǵanstan ardagerleri» respýblıkalyq qoǵamdyq birlestiginiń tóraǵasy, Halyq qaharmany, general-leıtenant Baqytjan Ertaev málim etti.
«Búginde Qazaqstandaǵy aýǵan ardagerleriniń 17 myńdyq armııasy elimizdegi patrıottyq qozǵalysynyń negizgi kúshi bolyp tabylady. Olar qoǵam ómirine belsene aralasyp keledi. Árıne, bunyń bári Qazaqstannyń Tuńǵysh Prezıdenti Nursultan Nazarbaevtyń qoldaýy arqasynda júzege asyp otyr. Biz beıbitshiliktiń baǵasyn bilemiz, ári namys jáne Otan sózderiniń qadirin jete túsinemiz. Qazaqstan halqy Táýelsizdik alǵan 20 jyldyń ishinde beıbit ómir súrip keledi. Sóz joq, oǵan Elbasynyń qosqan úlesi zor. Búgingi tańda Nursultan Nazarbaevtyń beıbitshiliktiń jarshysy ekendigine eshkimniń kúmáni joq. Ol sonaý qıyn zamanda óz halqyn beıbit jolmen júrgize bildi. Sol sebepti eldiń oǵan degen qurmeti sheksiz. Osyǵan oraı men elimizdegi barlyq aýǵan ardagerleriniń prezıdenttikke úmitker Nursultan Nazarbaevtyń kandıdatýrasyn tolyǵymen qoldaıtyndyǵyn málim etemin», - dedi óz sózinde B.Ertaev.
