Aýǵan soǵysynyń ardagerleri QR QK mýzeıiniń qoryn biregeı jádigerlermen tolyqtyrdy

ASTANA. QazAqparat - Búgin, Astanada ornalasqan QR Qarýly Kúshteriniń Áskerı-tarıhı mýzeıine Aýǵan soǵysynyń ardagerleri kelip, mýzeıdegi jádigerlermen tanysty, dep habarlaıdy QR QM baspasóz qyzmeti.

Olar elimizdiń, onyń ishinde Aýǵanstandaǵy soǵystyń áskerı tarıhyn zerdeleý jóninde mýzeı mamandarymen udaıy negizde birlesip ǵylymı jumys júrgizýdi bastaýdy josparlap otyrǵandaryn atap ótti. «Internatsıonal jaýyngerler ekspozıtsııa udaıy tolyqtyrylyp turýy jáne mýzeıge keletin meımandarǵa qyzyqty bolý úshin mýzeıdiń qoryna barlyq qundy zattardy aqysyz berýge ázir. Qazir aýǵan soǵysynyń jaýyngerleri búkil eldi aralap, saqtalyp qalǵan qundy zattardy jınap júr. Bireýinde nagradalar, saǵat, áskerı kıim úlgisi, hattar, keıbireýinde soǵys kezinde jazylǵan óleń joldary men ánder, birinde dombyra nemese gıtara», - deıdi QR Aýǵan ardagerleri men oqshaýly soǵys odaǵy tóraǵasynyń birinshi orynbasary Qaırat Tulǵaev. QR QK Áskerı-tarıhı mýzeıiniń qurylýy kezinde aýǵan jaýyngerleri qorǵa birqatar biregeı jádigerlerdi ákelip te qoıǵanyn aıta ketken jón. Búginde mýzeıdiń qorynda 6000-ǵa jýyq jádiger bar. Jáne elimizdiń túkpir-túkpirinen, ártúrli adamdardan eksponattar kelip túsýde.