Aýǵan soǵysynyń ardagerin eske alýǵa arnalǵan fýtbol týrnıri ótýde
ASTANA. Jeltoqsannyń 12-si. QazAqparat /Aıdyn Báımen/ - Búgin Astana qalasy Іshki saıasat basqarmasynyń qoldaýymen jaýynger-ınternatsıonalıst Janaıdar Jırentaevty eske túsirýge arnalǵan shaǵyn fýtboldan jarys ótýde,
dep habarlaıdy QazAqparat.
Keńes Odaǵy áskerleriniń Aýǵan soǵysynan shyǵarylǵanyna 20 jyl tolýyna arnalǵan osy sporttyq sharaǵa qaladaǵy ár túrli basqarmalar men qoǵamdyq uıymdardyń jáne áskerı bólimderdiń komandalary qatysady.
Bul sharany «Astana qalasyndaǵy Aýǵanstan soǵysy múgedekteri jáne ardagerleri odaǵy» qoǵamdyq birlestigi uıymdastyryp otyr. Aıaqdop sheberleriniń dodasy qaladaǵy №40 orta mekteptiń sport zalynda ótip jatyr.
Jarys jeńimpazdaryna týrnır kýbogy men dıplomdar tabys etiledi.
