Aýǵan soǵysynyń ardageri 30 jyldan keıin «Jaýyngerlik eńbegi úshin» medalimen marapattaldy
Berikbol Kýlov Máskeýde ótken saltanatty marapattaý rásiminen oraldy. Kúni keshe medalmen marapattalǵan jaýynger-ınternatsıonalıstpen qala ákimi Ermak Sálimov te kezdesti.
«Іs-shara Aýǵanstannan áskerdiń shyǵarylǵanyna 30 jyl tolýyna arnaldy, – deıdi aýǵan soǵysynyń ardageri Boranbaı Begatov. - Qorǵanys mınıstrligi ortalyq muraǵatta marapattalǵandardyń tizimin kóterdi. Sol kezde 800-ge jýyq adam marapatyn ala almaǵan. Onyń ishinde Semeı qalasynyń eki turǵyny - Berikbol Kýlov pen Sultanbek Omarov ta bar».
Boranbaı Begatovtyń aıtýynsha, Semeıde Aýǵanstanda erlik kórsetken 467 ardagerge mereıtoılyq medal tabys etilgen.
«Bul - bizdiń tarıhymyz, batyrlarymyzdy umytpaýymyz kerek, – dep atap ótti Ermak Sálimov. - Biz sizben únemi baılanysta bolǵandyqtan, kómek qajet ekenin túsinemiz. Sizdiń ıdeologııalyq jumystarǵa qoldaýyńyz óte mańyzdy. Bizdiń bolashaq urpaq osyndaı adamdarmen kezdesýi kerek».
«Marapat týraly málimet uzaq ýaqyt RF Qorǵanys mınıstrliginde qupııa aqparat retinde saqtalyp kelgen. Tek Odaq ydyrap, táýelsiz memleketter qurylǵannan keıin bul derekterdi alý múmkindigi paıda bolǵan. Sondyqtan da qazaqstandyq ınternatsıonalıst-jaýyngerlerdiń kóbi erliginiń 30 jyl buryn erekshe atap ótilgenin bilmedi» delingen habarlamada.
Búginde Berikbol Kýlov úsh qyz tárbıelep, uzaq jyldar boıy tis emhanasynda stomatolog bolyp qyzmet etip keledi.
