Aýǵan soǵysynda qaza bolǵan jaýyngerlerdiń rýhyna taǵzym etilip, quran baǵyshtaldy
ASTANA. 25 jeltoqsan. QazAqparat - Búgin Uly Otan soǵysynyń múgedekterine arnalǵan respýblıkalyq klınıkalyq gospıtaliniń qyzmetkerleri men
Aýǵan soǵysy ardagerleriniń úılestirý keńesi tóraǵalary soǵysta qaza bolǵan jaýyngerlerdiń rýhyna taǵzym etip, súıegi shetelde qalǵandarǵa baǵyshtap quran oqydy. Sonymen qatar gospıtal qabyrǵasynda aýǵan sheberleriniń shyǵarmashylyq kórmesi uıymdastyryldy, dep habarlady emdeý mekemesiniń baspasóz qyzmetinen.
Esterińizge sala keteıik, osydan dál 33 jyl buryn KSRO-nyń 40-shy armııasy Ámýdarııa ózeninen ponton kópir arqyly ótip, Aýǵanstan jerine kirdi. Aýǵanstanǵa armııany engizý týraly sheshim 1979 jyldyń 12 jeltoqsanynda KOKP OK Saıası bıýrosynyń otyrysynda qabyldanyp, asa qupııa qaýlymen bekitilgen.
Osydan 33 jyl buryn aıaqtalǵan soǵystyń salǵan jarasy talaı júrekte áli de bar. 10 jylǵa sozylǵan soǵysqa elimizden 22 myńnan asa sarbaz qatysty. 924 bozdaq jat jerde mert boldy. 20 qazaqstandyq iz-tússiz ketti. Myńdaǵan jaýynger múgedek bolyp qaldy.
