Aýǵan soǵysyna, Chernobyl apatyn joıýǵa qatysqandar merekelerde 102 myń teńge alady
NUR-SULTAN. QazAqparat – Aýǵan soǵysy men Chernobyl atom elektr stansasyndaǵy apatty joıýǵa qatysqandarǵa áleýmettik kómek kólemi ulǵaıtylmaq. Bul jaıynda Nur-Sultan qalalyq Jumyspen qamtý jáne áleýmettik qorǵaý basqarmasy basshysynyń orynbasary Baqtııar Garıfýllın aıtty, dep habarlaıdy QazAqparat tilshisi.
«Aýǵanstan aýmaǵyndaǵy soǵys is-qımyldary ardagerleri men Chernobyl atom elektr stansasyndaǵy apat saldaryn joıýǵa qatysqan tulǵalarǵa áleýmettik qoldaý is-sharalaryn arttyrý maqsatynda ataýly kúnder men merekelik datalarda olarǵa beriletin áleýmettik kómektiń mólsherin 35 aılyq eseptik kórsetkishke (1 AEK - 2917 teńge) deıin ulǵaıtý usynylady. Búginde olar 9 AEK alady», - dedi ol qalalyq qoǵamdyq keńes otyrysynda.
Onyń atap ótýinshe, atalǵan áleýmettik kómek jańa mólsherde júzege asyrylǵan jaǵdaıda qalalyq bıýdjetten 181 mln teńge qajet bolady.
«Bul maqsatty kelesi jyldan bastap júzege asyrý kózdelip otyr», - dedi Baqtııar Garıfýllın.
