Aýǵan soǵysyna 782 atyraýlyq qatysqan

ATYRAÝ. QazAqparat – Búgin Aýǵan jerinen keńes áskerleriniń shyǵarylǵanyna 33 jyl toldy. Osyǵan oraı Atyraýda Aýǵan soǵysynyń ardagerleri qaza tapqan qarýlastaryn eske alý sharasyn ótkizdi, dep habarlaıdy QazAqparat.

Sharaǵa jınalǵan ardagerler Atyraý qalasyndaǵy «Máńgilik alaý» men Aýǵan soǵysy ardagerlerine arnalǵan eskertkishke gúl shoqtaryn qoıdy. Qarýlastaryn bir mınýttyq únsizdikpen eske aldy.

Atyraý oblystyq aýǵan soǵysy ardagerleri odaǵynyń tóraǵasy Álisher Kýlovtyń málimetinshe, Atyraý oblysynan 1979-1989 jyldary Aýǵan soǵysyna 782 jaýynger

qatysqan.

«Biz Aýǵanstan jerine áskerı buıryqty oryndaýǵa bardyq. Ózge eldegi qandy shaıqas jas jaýyngerlerdi shyńdady. Biraq, batyrlyqtyń eren úlgisin kórsetken qarýlastarymyz jyl saıyn azaıyp barady. Qazir soǵys soǵysyna qatysqan 452 ardager bar», -deıdi Álisher Kýlov.

Onyń aıtýynsha, Aýǵan soǵysynan oralǵan ardagerlerge Almaty, Nur-Sultan qalalaryndaǵy áskerı gospıtalda 14 kún emdelý úshin tıisti kómek kórsetiledi.

«Biz, Aýǵan soǵysynyń ardagerleri soǵystyń qaıtalanbaýyn qalaımyz. Óıtkeni, qan tógilgen jer ókinishsiz bolmaıdy. Sondyqtan, elimizdiń órkendegenin, birligimizdiń bekem bolýyn tileımiz», -deıdi ol.