Aýǵan soǵysy týraly bul fılm ómirde shynaıy oqıǵaǵa negizdelgen - Borıs Kerimbaev
MATY. 19 qyrkúıek. QazAqparat /Erlik Erjanuly/ - "A"-ǵa oralý" fılminiń basty keıipkeri ómirde bolǵan adam. Ony polkovnık Borıs Kerimbaev keshe Almatyda 3D pishinde túsirilgen qazaqstandyq alǵashqy kórkem fılmniń aýǵandyq ardagerlerge arnalǵan áleýmettik kórsetilimi kezinde aıtty.
"Bul fılmde 3 Qyzyl Juldyz ordeniniń kaveleri, polkovnık Jumabek Aıýbaevtyń Aýǵan soǵysynda basynan ótkergen oqıǵalary sóz bolady. Áskerı ýchılışeni bitirgen soń ol arnaıy maqsattaǵy Bas barlaý basqarmasy jasaǵy quramynda Aýǵan soǵysyna qatysty. Operatsııalardyń birinde aıaǵynan aırylyp, elge oralǵan soń da ásker qatarynda qyzmet jasap polkovnık shenine deıin kóterilip, keıin ómirden ozdy", - deıdi polkovnık Borıs Túkenuly. J. Aıýbaev qyzmet etken áıgili "Musylman batalonynda" otrıad bastyǵy bolyp qyzmet etip "qara maıor" degen atqa ıe bolǵan dańqty sardardyń sózine qaraǵanda, fılmdegi soǵys oqıǵalarynyń sıýjeti de naqty oqıǵalardan alynǵan. Keńes áskeri onda eshqashan beıbit halyqqa oq jaýdyrǵan joq. "Fılmde bas keıipker kóp jyldan soń Aýǵanstanǵa qaıta barǵan kezde bir-birin múgedek etken jaýlasýshy eki taraptyń ókilderi ózara suhbaty beriledi. Sonda aýǵandyq shýravıler (Keńes armııasy) jol salyp, mektep, aýrýhanalar ashty. Qazir bárimiz malbora shegip, koka-kola iship, esirtkige eltip júrmiz. Bizdiń soǵysymyz maǵynasyz bolǵan eken degen jeri bar. Ony 2002 jyly Aýǵanstanǵa barǵan kezde maǵan genaral Dostým da aıtqan bolatyn", - deıdi B. Kerimbaev.
