Aýǵan soǵysy ardagerleri - joǵary rýhtyń aıqyn kórinisi - Janna Qurmanǵalıeva
ASTANA. 20 mamyr. QazAqparat - Mádenıet jáne aqparat mınıstrligi Aýǵan soǵysy ardagerleriniń barlyq bastamalaryn qoldaıtyn bolady.
Keshe ótken Qazaqstannyń Aýǵan soǵysy ardagerleri qaýymdastyǵynyń IV sezinde QR Mádenıet jáne aqparat mınıstrliginiń jaýapty hatshysy Janna Qurmanǵalıeva osylaı málim etti.
Mınıstrliktiń jaýapty hatshysy atap kórsetkendeı, Aýǵan soǵysy ardagerleri - joǵary rýhtyń aıqyn kórinisi. Búginde olar jas qazaqstandyqtardyń rýhyn kóterip, patrıottyq tárbıe berý boıynsha aıanbaı eńbek etip keledi. «Máselen, osydan eki jyl buryn olar respýblıka boıynsha avtosherý uıymdastyrdy, ózderiniń áriptesterimen kezdesip, Aýǵan soǵysynda qaza bolǵan sarbazdardyń otbasylaryna kómektesti. Bul jobaǵa biz de qatysyp, jan-jaqty qoldaý kórsettik. Mine, osyndaı qoldaý sharalary aldaǵy ýaqytta da jalǵasatyn bolady. Biz Aýǵan soǵysy ardagerleriniń barlyq áleýmettik mańyzy bar jobalaryn qoldaýǵa daıynbyz. Ol úshin biz dúısenbi kúni barlyq oblystardyń ishki saıasat bólimderine hat joldap, Aýǵan soǵysy ardagerleri uıymdarynyń barlyq jobalaryn qoldaý qajettigin jetkizetin bolamyz», - deıdi J.Qurmanǵalıeva.
