Aýǵan polıtseıi jáne eki ıspandyq qaza tapqannan keıin jergilikti halyq NATO bazasyna shabýyl jasady
ASTANA. Tamyzdyń 26-sy. QazAqparat - Badgıs provıntsııasynyń NATO bazasynda aýǵan polıtseıiniń qaıtys bolýy jergilikti jurtshylyqtyń ashý-yzasyn týǵyzdy, dep jazady Eýronıýs.
Oqıǵadan keıin jınalǵan eki myńdaı adam Kalaı-Naýdaǵy ıspan áskerı bazasynyń janynda manıfestatsııa ótkizdi. Bazadaǵy aýǵan polıtseılerin oqytý kezinde atys bolǵan.
Madrıdtegiler, «Ispanııanyń azamattyq gvardııashylaryna aldymen aýǵandyqtar oq atty, sonyń saldarynan eki ıspandyq mert boldy. Aýdarmashy da kóz jumdy. Shabýyldaýshy oqqa ushty», deıdi.
Birqatarynyń aıtýlaryna qaraǵanda, oqqa ushqan aýǵandyq táliptermen baılanysy bar polıtsııa kóliginiń júrgizýshisi kórinedi. Al, jınalǵan aýǵandyqtardyń osy máselege qatysty óz kózqarastary bolsa kerek.
Ispan áskerıleri ornalastyrylǵan áskerı baza Aýǵanstannyń soltústik-batysynda oryn tepken. Baza janyna jınalǵan birneshe aýǵandyqtar dene jaraqattaryn aldy. Dál qazirgi ýaqytta aýǵan jerinde bir jarym myńnan astam ıspan ofıtseri men áskerıleri bar. Olardyń basym kópshiligi Kalaı-Naý bazasyna ornalastyrylǵan.
