Aýǵan áskerleri tálibterden sheginip Tájikstanǵa ótip ketken

DÝShANBE. HOVAR- QazAqparat –Shilde aıynyń 4-inen 5-ine qaraǵan túni «Talıban» qozǵalysynyń sodyrlary Tájikstan Respýblıkasymen shekarasyndaǵy uzaqtyǵy 910 shaqyrymǵa sozylǵan Aýǵanstanstannyń Badahshan provıntsııasyna qarasty Hohon, Shıkaı, Nýsaı, Mohımaı, Shýgnon jáne Sýlton Ishkashım ýezderin tolyq basyp alǵan. Bul týraly QazAqparat Tájikstannyń Hovar aqparat agenttigine silteme jasap habarlaıdy.

Talıbtermen qarýly qaqtyǵystar barysynda Aýǵanstan úkimettik jasaqtarynyń 1037 áskerı qyzmetkeri jeke quram ómirlerin saqtap qalý maqsatynda Tájikstan Respýblıkasy aýmaǵyndaǵy Sh.Shohın aýdanynyń Shohon (104 adam), Darvaz aýdanynyń Rýzvaı (213 adam) jáne Nýlvald (83 adam), Vandj aýdanynyń Hýmrogı (173 adam), Tem aýdanynyń Horog qalasy (312 adam), Ishkashım (102 adam) jáne Ishkashım aýdanynyń Langar (50 adam) shekara ýchaskeleri arqyly shegingen.

Tájikstan Respýblıkasy shekarashylary izgilik pen tatý kórshilik prıntsıpterin basshylyqqa ala otyryp, sheginip otyrǵan aýǵandyq áskerılerge Tájikstan Respýblıkasynyń aýmaǵyna ótýine ruqsat berdi.

Shekaradaǵy jaǵdaı Tájikstan Respýblıkasy shekarashylarynyń tolyq baqylaýyna alyndy.

Eske sala ketsek, keshe Tájikstan Aýǵanstan Respýblıkasymen shekaralyq jaǵdaıdyń kúrdelengeni týraly málimdeme jasaǵan.