Áýezovtiń 5 tomdyq shyǵarmalar jınaǵy jaryq kóredi - mınıstr
Bul týraly Mádenıet jáne sport mınıstri Daýren Abaev Semeı qalasyndaǵy Abaı teatrynda ótken «Áýezov álemi» atty saltanatty jıynda aıtty. Onyń málimetinshe, jazýshynyń mereıtoıy halyqaralyq deńgeıde atap ótiledi. Oǵan atalǵan vedomstvo jaýapty bolyp bekitilgen.
«Semeı topyraǵy danyshpan Abaıdy dúnıege ákelgen, Shákárimdeı ǵulamany týdyrǵan, Muhtar Áýezovteı áıgili sýretkerge besik bolǵan aıaýly meken. Bul jıyn úlken mereıtoıdyń saltanatty ashylýy Semeıden bastaý alǵany zańdylyq. Aldaǵy ýaqytta, Muhtar Áýezovtiń 125 jyldyǵyna oraı jazýshynyń 5 tomdyq shyǵarmalar jınaǵy basylyp shyǵatyn bolady», - dedi mınıstr.
Aıta keteıik, zańǵar qalamgerdiń mereıtoıyna baılanysty bıyl 4 baǵyt boıynsha 90-jýyq is-shara uıymdastyrylady. Odan bólek, óńirlik deńgeıde jospardan tys 500-den asa merekelik shara ótkizý josparlanǵan.
