Áýezov teatryna «Ulttyq» mártebesi berildi
ALMATY. QazAqparat - M.Áýezov atyndaǵy Qazaq akademııalyq drama teatryna «Ulttyq» mártebesi berildi, dep habarlaıdy QazAqparat tilshisi.
«Súı̆inshi habar! Qazaqstan Respýblıkasynyń Prezıdenti Qasym-Jomart Toqaevtyń arnaı̆y jarlyǵymen Áýezov teatryna «Ulttyq« mártebesi berildi. Endi M.Áýezov atyndaǵy Qazaq Ulttyq akademııalyq drama teatry atandyq. Qazaq teatrynyń qara shańyraǵy - Áýezov teatrynyń 95 jyldyq tarıhy bar. Teatr óneriniń korıfeı̆leriniń izi qalǵan óner ujymyn búgingi jetistigimen shyn júrekten quttyqtaı̆myz!», - delingen teatrdyń Instagram paraqshasynda jarııalanǵan aqparatta.
M.Áýezov atyndaǵy Qazaq memlekettik akademııalyq drama teatry – tuńǵysh ulttyq mádenı-sahnalyq ujym. 1925 jyldyń sońynda sol kezdegi astanamyz Qyzylordada uıymdastyryldy. Teatr shymyldyǵy resmı túrde 1926 jyly 13 qańtarda M.Áýezovtiń «Eńlik-Kebek» tragedııasymen ashyldy. 1929 jyly teatr trýppasy jańa astana Almatyǵa qonys aýdardy. 1937 jyly akademııalyq teatr ataǵyn aldy. Al 1961 jyly óner ujymyna kórnekti jazýshy-dramatýrg M.Áýezov esimi berildi.
