Áýezov teatry Reseıdegi baıqaýda úzdik dep tanyldy
NUR-SULTAN. QazAqparat - Muhtar Áýezov atyndaǵy Qazaq memlekettik akademııalyq drama teatry Daǵystan Respýblıkasynda ótken «Kaspıı jaǵalaýy memleketteriniń ulttyq teatrlary» arasyndaǵy festıvalde bas júldeni qanjyǵasyna baılady, dep habarlaıdy QazAqparat tilshisi.
Mahachkala qalasynda ótken festıvalde qazaq teatry «Súıikti meniń aǵataıym» spektaklin usyndy.
Mədenıet jəne sport mınıstrliginen habarlaǵandaı, Reseıdegi teatr jylyn ótkizý aıasynda júzege asyrylǵan sharany Daǵystannyń Teatr qaıratkerleri odaǵy uıymdastyrǵan. Festıval bul óńirde alǵash ret ótti. Oǵan 18 ulttyq teatr qatysty.
«Olardyń qatarynda Qazaqstan, Ázerbaıjan, Tatarstan, Soltústik Osetııa, Qabardy-Balqar, Qarashaı-Cherkes, Ingýshetııa, Qalmaqııa, Sheshenstan, Daǵystan ujymdary bar. Qazylar alqasy qatysýshylardyń barlyǵyna alǵysyn bildirip, jaqsy ne jaman degen baǵa bermedi. Tek, Noǵaı memlekettik drama teatrynyń «Lavına» qoıylymy men M.Áýezov atyndaǵy Qazaq memlekettik akdemııalyq drama teatrynyń «Súıikti meniń aǵataıym» («Dıadıa Vanıa») spektakli týraly oń pikirlerin jetkizdi», - delingen habarlamada.
Festıval nátıjesinde «Úlken formattaǵy úzdik spektakl» atalymynda bas júldege «Súıikti meniń aǵataıym» spektakli laıyqty dep tanylsa, «Úzdik áıel adam beınesi» - Janel Maqajan jáne «Úzdik stsenagrafııa» atalymy boıynsha - Tamara Okahıan jeńimpaz atandy.
