Áýezov teatrynyń 100 jyldyǵyna oraı «Eńlik-Kebek» spektakli sahnalandy
ASTANA. KAZINFORM – Muhtar Áýezov atyndaǵy Qazaq ulttyq drama teatrynyń 100 jyldyǵyna oraı Almaty qalasynda «Eńlik-Kebek» spektakliniń mereıtoılyq kórsetilimi ótti. Bul týraly Mádenıet jáne aqparat mınıstrliginiń baspasóz qyzmeti habarlady.
«Eńlik-Kebek» qoıylymy qazaq kásibı teatrynyń damý tarıhynda erekshe oryn alady. Bul spektakl – 1926 jyly Muhtar Áýezov atyndaǵy Qazaq ulttyq drama teatrynda sahnalanǵan alǵashqy qoıylymdardyń biri.
Qoıylym mahabbat pen adaldyq taqyrybyn kóterip, kórermenge izgi qundylyqtardy nasıhattaıdy.
Sonymen qatar kórermen teatr mýzeıi uıymdastyrǵan «Ulttyq teatrdyń bastaýy – «Eńlik-Kebek» qoıylymy» atty ekspozıtsııamen tanysty. Kórmede alǵashqy sahnalyq qoıylymdar tarıhynan syr shertetin fotosýretter, qundy jádigerler men teatrdyń kórkemdik murasyn aıqyndaıtyn materıaldar usynyldy.
Budan buryn Áýezov atyndaǵy Qazaq ulttyq drama teatryna 100 jyl tolǵanyn jazǵan edik.