Áýezov aýdandyq ádilet basqarmasynyń laýazymdy qyzmetkeri para alý ústinde ustaldy - Almaty
ASTANA. 20 qyrkúıek. QazAqparat - Aǵymdaǵy jylǵy 13 qyrkúıekte Almaty qalasy boıynsha Ekonomıkalyq qylmysqa jáne sybaılas jemqorlyqqa qarsy kúres departamentiniń (qarjy polıtsııasynyń) qyzmetkerlerimen ótkizilgen jedel is-sharalar barysynda Almaty qalasy Áýezov aýdandyq ádilet basqarmasynyń N. esimdi laýazymdy tulǵasy ustaldy.
Ol S. esimdi azamattan eki zańdy tulǵany memlekettik tirkeýge qoıý kýáligin bergeni úshin, jalpy somasy 150 myń teńge para alý ústinde quryqtaldy. Bul jaıynda QR Qarjy polıtsııasy habarlap otyr.
Sondaı-aq, « dál osy kúni, N. esimdi azamatqa qatysty QR QK 311-babynyń 2-tarmaǵy (para alý) boıynsha qylmystyq is qozǵaldy. Sottyń sanktsııasymen sońǵyǵa qatysty «qamaýǵa alý» bultartpaý sharasy qoldanyldy. Qazirgi tańda qylmystyq is tergelýde, ózge aqparat tergeý múddesine baılanysty jarııalanbaıdy»,-delingen atalmysh vedomostvonyń málimetterinde.
