Áýezov atyndaǵy teatrdyń dırektory paramen ustalǵany týraly sýret tarap ketti

ALMATY. QazAqparat - M.Áýezov atyndaǵy Qazaq akademııalyq memlekettik drama teatrynyń dırektory Erlan Biláldiń paramen ustalǵany týraly sýret áleýmettik jelide taralyp jatyr, dep habarlaıdy QazAqparat tilshisi.

Bul aqparatqa qatysty teatr ákimshiligi aqparat berýden bas tartty.

«Áli eshqandaı aqparat rastalmady. Bizge eshqandaı aqparat berilgen joq. Sondyqtan, eshteńe aıta almaımyz», - dedi baspasóz qyzmetinen.

Al, QR Sybaılas jemqorlyqqa qarsy Ulttyq bıýronyń baspasóz qyzmeti bul málimet naqtylanyp jatqanyn, oǵan qatysty málimet keıinen joldanatynyn habarlady.

Áleýmettik jelidegi foto paıdalanýshylardyń ekiudaı pikirin qalyptastyrdy.

Bireýler «bul kınodaǵy epızodtyq ról» degen boljam jasaýda.