Áýejaılardyń rettelip kórsetiletin qyzmetteriniń tarıfterine ýaqytsha tómendetý koeffıtsıentterin bekitý erejeleri ózgertildi

* * *

Qazaqstan Respýblıkasy Tabıǵı monopolııalardy retteý agenttiginiń buıryǵy №146-nq

2013 jylǵy 14 mamyr, Astana qalasy

«Áýejaılar men aeronavıgatsııanyń rettelip kórsetiletin qyzmetteriniń tarıfterine (baǵalaryna, alym stavkalaryna) ýaqytsha tómendetý koeffıtsıentterin bekitý erejesi týraly» Qazaqstan Respýblıkasynyń Tabıǵı monopolııalardy retteý jáne básekelestikti qorǵaý jónindegi agenttigi tóraǵasynyń 2003 jylǵy 5 qarashadaǵy № 263-NQ buıryǵyna ózgerister engizý týraly

«Tabıǵı monopolııalar jáne retteletin naryqtar týraly» 1998 jylǵy 9 shildedegi Qazaqstan Respýblıkasy Zańynyń 14-1-baby 1-tarmaǵynyń 5) tarmaqshasyna jáne Qazaqstan Respýblıkasy Úkimetiniń 2007 jylǵy 12 qazandaǵy № 943 qaýlysymen bekitilgen Qazaqstan Respýblıkasy Tabıǵı monopolııalar retteý agenttigi týraly erejeniń 21-tarmaǵynyń 7) tarmaqshasyna sáıkes buıyramyn:
1. «Áýejaılar men aeronavıgatsııanyń rettelip kórsetiletin qyzmetteriniń tarıfterine (baǵalaryna, alym stavkalaryna) ýaqytsha tómendetý koeffıtsıentterin bekitý erejesi týraly» Qazaqstan Respýblıkasynyń Tabıǵı monopolııalardy retteý jáne básekelestikti qorǵaý jónindegi agenttigi tóraǵasynyń 2003 jylǵy 5 qarashadaǵy № 263-NQ buıryǵyna (Normatıvtik quqyqtyq aktilerdi memlekettik tirkeý tiziliminde № 2599 tirkelgen, «Resmı gazet» gazetininiń 2003 jylǵy 27 jeltoqsandaǵy № 52 (157) jarııalanǵan) mynadaı ózgerister engizilsin:
Áýejaılar men aeronavıgatsııa rettelip kórsetiletin qyzmetteriniń tarıfterine (baǵalaryna, alym stavkalaryna) ýaqytsha tómendetý koeffıtsıentterin bekitý erejesinde:
1-tarmaq mynadaı redaktsııada jazylsyn:
«1. Áýejaılar men aeronavıgatsııa rettelip kórsetiletin qyzmetteriniń tarıfterine (baǵalaryna, alymdar stavkalaryna) ýaqytsha tómendetý koeffıtsıentterin bekitý erejesi (budan ári - Ereje) Qazaqstan Respýblıkasy Joǵarǵy Keńesiniń 1992 jylǵy 2 shildedegi qaýlysymen bekitilgen Halyqaralyq azamattyq avıatsııa týraly konventsııaǵa (1944 jyl Chıkago), «Tabıǵı monopolııalar jáne retteletin naryqtar týraly» 1998 jylǵy 9 shildedegi, «Qazaqstan Respýblıkasynyń áýe keńistigin paıdalaný jáne avıatsııa qyzmeti týraly» 2010 jylǵy 15 shildedegi Qazaqstan Respýblıka­synyń Zańdaryna jáne áýejaılar men aeronavıgatsııa qyzmet salasyndaǵy Qazaqstan Respýblıka­synyń ózge de normatıvtik quqyqtyq aktilerine sáıkes ázirlendi.»;
5-tarmaq mynadaı redaktsııada jazylsyn:
«5. Áýejaıdyń rettelip kórsetiletin qyzmetterine ýaqytsha tómendetý koeffıtsıentteri mynadaı ólshemderdiń bireýine sáıkes kelgen jaǵdaıda belgilenedi:
1) belgili bir kezeńge arnalǵan ótinimde kórsetilgen áýe kemelerine jerde qyzmet kórsetýdiń josparlanǵan tutyný kólemi ótken jyldyń osy kezeńindegi rettelip kórsetiletin qyzmetterdi naqty tutyný kóleminen asady;
2) áýejaıdyń iske qosylmaǵan nemese shamaly iske qosylǵan qýatyn paıdalaný múmkindigi;
3) sýbsıdııalanatyn avıakompanııany qospaǵanda, osy tarmaqtyń 2) tarmaqshasynda kózdelgen ólshemge jatqyzylǵan jaǵdaıda áýe kemesin tıeý koeffıtsıenti 0,5-ten kem quraıdy.»;
6-tarmaq mynadaı redaktsııada jazylsyn:
«6. Aeronavıgatsııanyń rettelip kórsetiletin qyzmetteriniń tarıfterine (baǵalaryna, alymdar stavkalaryna) ýaqytsha tómendetý koeffıtsıentteri mynadaı ólshemderdiń bireýine sáıkes kelgen jaǵdaıda belgilenedi:
1) Qazaqstan Respýblıkasynyń áýe keńistiginde áýe kemeleriniń ushý jıiliginiń ósýi jáne (nemese) jańa baǵyttardy tartý;
2) iske qosylmaǵan nemese shamaly iske qosylǵan áýe trassalaryn paıdalaný múmkindigi;
3) Qazaqstan Respýblıkasy áýe keńistigi sheginde ishki turaqty avıareısterdi oryndaıtyn áýe kemelerine qyzmet kórsetý kezinde ýákiletti organ rettelip kórsetiletin aeronavıgatsııalyq qyzmetterge bekitken stavkalarǵa 0,5 koeffıtsıentin qoldaný arqyly áýe tasymaldaýdyń respýblıkalyq naryǵyn damytý úshin qolaıly jaǵdaı jasaý.»;
10-tarmaq mynadaı redaktsııada jazylsyn:
«10. Ýákiletti organ ýaqytsha tómendetý koeffıtsıentterin áýe kemelerin paıdalanýshy, áýejaı nemese aeronavıgatsııalyq uıym (budan ári - ótinim berýshi) Erejeniń 1-qosymshasyna saı ótinimder men negizdeýshi qujattardy mynadaı talaptardy saqtaı otyryp usynǵan jaǵdaıda bekitedi:
negizdeýshi qujattardyń árbir paraǵyna birinshi basshy, al qarjy qujattaryna bas býhgalter de qol qoıady. Bul jaǵdaıda faksımıldik qol jaramsyz dep tanylady;
aldyńǵy kezeń ishindegi qarjy-sharýashylyq qyzmettiń nátıjeleri boıynsha naqty derekter, sondaı-aq olardy bekitýdi surap otyrǵan kezeńge ýaqytsha tómendetý koeffıtsıentterin qoldanýdan kútilip otyrǵan nátıjeler usynylady.
Bul rette, áýe kemelerin paıdalanýshy ýákiletti organǵa ótinimdi jáne negizdeýshi qujattardy eki danada usynady.»;
11-tarmaq mynadaı redaktsııada jazylsyn:
«11. Ýákiletti organ ýaqytsha tómendetý koeffıtsıentterin bekitýge ótinim túsken kúninen bas­tap 5 jumys kúniniń ishinde usynylǵan ótinimdi qaraýǵa qabyldaý týraly ne qaraýǵa qabyldaýdan bas tartý týraly ótinim berýshini jazbasha túrde habardar etedi. Áýe kemelerin paıdalanýshynyń ótinimi qaraýǵa alynǵan jaǵdaıda ýákiletti organ onyń bir danasyn áýejaıǵa jáne (nemese) aeronavıgatsııa uıymyna qorytyndy shyǵartý úshin jiberedi.»;
13-tarmaq mynadaı redaktsııada jazylsyn:
«13. Ótinim berýshi ýákiletti organnyń ótinimdi qaraýǵa qabyldaǵany týraly habarlamany alǵannan keıin 5 jumys kúni ishinde quzyretti organnyń qaraýyna atalǵan ótinimdi alynǵan habarlamamen birge joldaıdy.»;
14-tarmaq alyp tastalsyn;
15-tarmaq mynadaı redaktsııada jazylsyn:
«15. Quzyretti organ, áýejaı jáne (nemese) aeronavıgatsııalyq uıym ótinim berýshiden ótinimdi alǵan kúninen bastap 10 jumys kúniniń ishinde ýákiletti organǵa qorytyndy usynady, onda ýaqytsha tómendetý koeffıtsıentiniń usynylyp otyrǵan deńgeıin bekitý maqsattylyǵynyń negizdemesi ne ony bekitý maqsatsyzdylyǵynyń negizdemesi kórsetiledi.
Ýaqytsha tómendetý koeffıtsıentin bekitýden bas tartylǵan jaǵdaıda, ýákiletti organ dáleldi qorytyndy shyǵarady, ol quzyretti organǵa, áýe kemelerin paıdalanýshyǵa jáne (nemese) aeronavıgatsııalyq uıymǵa jiberiledi.»;
16-tarmaq mynadaı redaktsııada jazylsyn:
«16. Ýákiletti organ áýe kemelerin paıdalanýshy usynǵan negizdeýshi qujattardyń saraptamasyn eskere otyryp, quzyretti organ, áýejaı jáne (nemese) aeronavıgatsııalyq uıym usynǵan qorytyndylardyń negizinde ótinim qaraýǵa qabyldanǵan sátten bastap 45 kúntizbelik kúniniń ishinde sheshim qabyldaıdy.»;
17-tarmaq mynadaı redaktsııada jazylsyn:
«17. Ýákiletti organ quzyretti organnyń, áýejaıdyń, aeronavıgatsııalyq uıymnyń, áýe kemelerin paıdalanýshylardyń ókilderiniń jáne táýelsiz sarapshylardyń qatysýymen ýaqytsha tómendetý koeffıtsıentin qoldaný máseleleri boıynsha keńes ótkizedi.»;
20-tarmaq mynadaı redaktsııada jazylsyn:
«20. Áýejaı jáne aeronavıgatsııalyq uıym ýákiletti organnyń birinshi basshysynyń buıryǵymen bekitilgen ýaqytsha tómendetý koeffıtsıentterin áýejaı nemese aeronavıgatsııalyq uıym men áýe kemelerin paıdalanýshy arasynda jasalǵan shart (shartqa qosymsha) negizinde qoldanady. Osy shart (shartqa qosymsha) ýaqytsha tómendetý koeffıtsıentterin qoldaný kezeńin jáne áýejaıdyń nemese aeronavıgatsııalyq uıymnyń rettelip kórsetiletin qyzmetterin tutynýdyń málimdelgen kólemin áýe kemesin paıdalanýshynyń oryndamaǵany úshin tıisti ýaqyt merzimine ýaqytsha tómendetý koeffıtsıentterin qoldanbastan kórsetilgen qyzmetterdi tutynýdyń naqty oryndalǵan kólemine tarıfterdi (baǵalardy, alymdar stavkalaryn) qaıta esepteý túrinde jaýapkershiligin kózdeıdi.
Áýejaı nemese aeronavıgatsııalyq uıym men áýe kemelerin paıdalanýshy arasyndaǵy shart (shartqa qosymsha) osy Erejeniń 8-tarmaǵynda kórsetilgen buıryq kúshine engen kúninen bastap 7 jumys kúninen keshiktirmeı jasalady.»;
24-tarmaq mynadaı redaktsııada jazylsyn:
«24. Quzyretti organ, áýejaı jáne aeronavıgatsııalyq uıym óz bastamasy boıynsha ýákiletti organǵa bekitilgen ýaqytsha tómendetý koeffıtsıentteriniń kúshin joıý týraly usynys jasaı alady, bul rette osyndaı kúshin joıýdy negizdeıtin qujattardy usynady.
Osy Erejeniń 5 jáne 6-tarmaqtarynda kórsetilgen talaptar oryndamalǵan jaǵdaıda, ýákiletti organ da ýaqytsha tómendetý koeffıtsıentteriniń kúshin joıýǵa bastama kóteredi. Bul rette ýákiletti organ quzyretti organnan, áýejaıdan jáne aeronavıgatsııa uıymynan dáleldi jazbasha qorytyndyny suratady.»;
25-tarmaq mynadaı redaktsııada jazylsyn:
«25. Ýákiletti organ materıaldardy alǵannan bastap kúntizbelik 30 kún ishinde ýaqytsha tómendetý koeffıtsıentteriniń kúshin joıýdy bas negizdeıtin qujattarǵa saraptama júrgizedi.
Júrgizilgen saraptama qorytyndylary boıynsha ýákiletti organ ýaqytsha tómendetý koeffıtsıentterniń kúshin joıý jóninde sheshim qabyldaıdy nemese quzyretti organǵa, áýejaıǵa jáne aeronavıgatsııa uıymyna ýaqytsha tómendetý koeffıtsıentteriniń kúshin joıýǵa negizdiń joqtyǵy týraly dáleldi qorytyndyny joldaıdy.»;
26-tarmaq mynadaı redaktsııada jazylsyn:
«26. Ýákiletti organ ýaqytsha tómendetý koeffıtsıentteriniń kúshin joıý týraly buıyryqty quzyretti organǵa, áýe kemelerin paıdalanýshyǵa, áýejaıǵa jáne (nemese) aeronavıgatsııa uıymyna ýákiletti organnyń buıryǵy qoldanysqa engizgilgenge deıin kúntizbelik 10 kúnnen keshiktirmeı joldaıdy.»;
kórsetilgen Erejege 1-qosymshanyń 7 jáne 8-tarmaqtary mynadaı redaktsııada jazylsyn:
«7. Áýejaılardyń nemese aeronavıgatsııalyq uıymnyń rettelip kórsetiletin qyzmetterin tutynýdyń zattaı jáne qundyq kóriniste toqsandarǵa bólingen naqty (aldyńǵy aıaqtalǵan tórt toqsan jáne aldyńǵy kúntizbelik jyl) jáne josparlanǵan málimdelgen kólemderi. Tutyný kólemderi tabıǵı monopolııalar jáne retteletin naryqtar týraly zańnamaǵa sáıkes memlekettik retteýge jatatyn áýejaıdyń nemese aeronavıgatsııalyq uıymnyń árbir qyzmeti boıynsha kórsetiledi.
8. Eger ótinim berýshi áýejaı nemese aeronavıgatsııalyq uıym bolǵan jaǵdaıda - suratylǵan kezeńde ýaqytsha tómendetý koeffıtsıentin qoldanyp jáne qoldanbastan áýe kemelerin paıdalanýshyǵa rettelip kórsetiletin qyzmetterdi kórsetý boıynsha áýejaıdyń nemese aeronavıgatsııalyq uıymnyń tabystary, shyǵystary deńgeıiniń toqsandarǵa bólingen boljamdy kórsetkishteri.
Eger ótinim berýshi áýe kemelerin paıdalanýshy bolǵan jaǵdaıda -josparlanǵan kezeńge ýaqytsha tómendetý koeffıtsıentterin qoldanyp jáne qoldanbastan áýejaıdyń jáne (nemese) aeronavıgatsııalyq uıymnyń rettelip kórsetiletin qyzmetterin tutyný jaǵdaıynda áýe kemelerin paıdalanýshynyń tabystary deńgeıiniń toqsandarǵa bólingen boljamdy kórsetkishteri.
Bul rette ótinim berýshi tabıǵı monopolııalar jáne retteletin naryqtar týraly zańnamaǵa sáıkes memlekettik retteýge jatatyn áýejaıdyń nemese aeronavıgatsııalyq uıymnyń árbir qyzmetiniń bólinisinde barlyq esepterdi keltiredi.»;
kórsetilgen Erejege 2-qosymshaǵa eskertý mynadaı redaktsııada jazylsyn:
«Eskertý:
Materıaldar tabıǵı monopolııalar týraly zańnamaǵa sáıkes áýejaıdyń nemese aeronavıgatsııalyq uıymnyń rettelip kórsetiletin árbir qyzmetiniń bólinisinde usynylady.».
2. Qazaqstan Respýblıkasy Tabıǵı monopolııalardy retteý agenttiginiń Temir jol kóligi, azamattyq avıatsııa jáne porttar salasyndaǵy retteý departamenti (G.Q. Ybyraeva):
1) osy buıryqty Qazaqstan Respýblıkasy Ádilet mınıstrliginde zańnamada belgilengen tártippen memlekettik tirkeýdi;
2) osy buıryqty buqaralyq aqparat quraldarynda resmı jarııalaǵannan keıin Qazaqstan Respýblıkasy Tabıǵı monopolııalardy retteý agenttiginiń Internet-resýrsynda jarııalaýdy qamtamasyz etsin.
3. Qazaqstan Respýblıkasy Tabıǵı monopolııalardy retteý agenttiginiń Ákimshilik jumysy departamenti (S.P. Bazarbaev) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin:
1) ony buqaralyq aqparat quraldarynda zańnamada belgilengen tártippen resmı jarııalaýdy qamtamasyz etsin, keıin jarııalanǵany týraly málimetterdi Qazaqstan Respýblıkasy Tabıǵı monopolııalardy retteý agenttiginiń Zań departamentine (S.S. Metenova) usynsyn;
2) ony Qazaqstan Respýblıkasy Tabıǵı monopolııalardy retteý agenttiginiń qurylymdyq bólimsheleri men aýmaqtyq organdarynyń, Qazaqstan Respýblıkasy Kólik jáne kommýnıkatsııa mınıstrliginiń nazaryna jetkizsin.
4. Osy buıryqtyń oryndalýyn baqylaý Qazaqstan Respýblıkasy Tabıǵı monopolııalardy retteý agenttigi tóraǵasynyń orynbasary A.J. Dúısebaevqa júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.

Tóraǵa M. OSPANOV.

Qaýly Qazaqstan Respýblıkasynyń Ádilet mınıstrliginde 2013 jylǵy 29 mamyrda Normatıvtik quqyqtyq kesimderdi memlekettik tirkeýdiń tizilimine № 8486 bolyp engizildi.