Áýejaılardyń mańynan berilgen telimder sanıtarlyq-qorǵaý aımaqtaryna qaıtarylýy múmkin

ASTANA. QazAqparat – Bas prokýratýra Úkimetke áýe tasymalynyń qaýipsizdigin arttýrǵa baǵyttalǵan usynys engizdi, dep habarlaıdy QazAqparat tilshisi.

Bul týraly QR Bas prokýrory Berik Asylov Májilis depýtattarynyń saýalyna joldaǵan jaýabynda málim etti.

«31.12.2022 jyly Bas prokýratýra Premer-Mınıstrdiń birinshi orynbasarynyń atyna zań buzýshylyqtardy joıý týraly mynadaı sharalar qabyldaý úshin usyný engizdi», - delingen jaýapta.

Onyń aıtýynsha, Úkimet qaraýyna mynandaı usynystar joldanǵan:

- əýejaılarǵa jaqyn obektilerdiń tıisti kelisiminsiz turǵyzýǵa jol bermeý jónindegi jergilikti atqarýshy jəne ýəkiletti organdar arasyndaǵy ózara is-qımyl algorıtmin əzirleý;

- əýeaılaq mańyndaǵy aýmaqtarda jerlerdi aımaqtarǵa bólý;

- əýejaılardyń sanıtarlyq-qorǵaý aımaqtaryn ornatý;

- aýyl sharýashylyǵy mınıstrligimen birlesip, jer ýchaskelerin zańsyz ıelenýden alý jəne əýejaılardyń sanıtarlyq-qorǵaý aımaqtaryna qaıtarý məselelerin qaraý;

- tamaq qaldyqtary shyǵarylatyn oryndardy, qoqys úıindilerin (əýeaılaqtyń baqylaý núktesinen 15 km jaqyn qashyqtyqta) ornalastyrýǵa, ań sharýashylyǵy fermalaryn, mal soıý alańdaryn jəne qustardyń tartýmen jəne jappaı jınalýyna yqpal etetin ónerkəsiptik jəne turmystyq ınfraqurylymnyń basqa da obektilerin salýǵa tyıym salý;

- kinəli adamdardy jaýapqa tartý.

Sondaı-aq, Bas prokýrordyń málimeti boıynsha, Astanadaǵy sybaılas jemqorlyqqa qarsy is-qımyl departamenti Azamattyq avıatsııa komıteti qyzmetkerleriniń ústinen «Fokker-100» ushaǵynyń Almaty irgesindegi apatyna baılanysty qylmystyq isti tergep jatyr.