Áýejaılardy basqarý boıynsha kompanııa qurýdy jedeldetý qajet - S.Ahmetov
ASTANA. 26 qarasha. QazAqparat - Áýejaılardy basqarý boıynsha kompanııa qurýdy jeteldetý qajet. Bul týraly búgin Úkimet otyrysynda QR Premer-Mınıstri Serik Ahmetov aıtty.
«Ózderińiz biletindeı, bizde Qazaqstannyń damýy boıynsha is-sharalarynyń jańa Jibek joly keshendi jospary qabyldandy. Kólik jáne kommýnıkatsııa mınıstrligi men «Qazaqstan temir joly» Ulttyq kompanııasyna ony sapaly júzege asyrýdy jalǵastyrýdy tapsyramyn. Jergilikti atqarýshy organdarmen áýejaılardy basqarý boıynsha kompanııa qurýdy jedeldetý jáne bizdiń iri avtomobıl ári temir jol dálizderimizdiń der ýaqytynda júzege asyrylýyna qatań baqylaýdy qamtamasyz etý qajet», - dedi S.Ahmetov. Úkimet basshysy osy oraıda atalǵan jobalar qatarynda «Batys Eýropa - Batys Qytaı», «Soltústik-Ońtústik», «Soltústik-Shyǵys», «Soltústik-Batys» dálizderin, temir jol salasyndaǵy «Beıneý-Jezqazǵan», «Arqalyq-Shubarkól» joldaryn atap ótti.
