Áýejaılardyń VIP zaldarynan ótetin adamdar tizbesi keńeımek
Elimizdiń áýejaılaryndaǵy arnaıy bólingen zaldarda qyzmet kórsetiletin adamdardyń tizbesi keńeıtilmek, dep habarlaıdy Kazinform.
Ashyq normatıvtik-quqyqtyq aktiler portalynda el Úkimetiniń «Qazaqstan Respýblıkasynyń áýejaılaryndaǵy arnaıy bólingen zaldarda qyzmet kórsetiletin adamdardyń tizbesin bekitý týraly» Qazaqstan Respýblıkasy Úkimetiniń 2011 jylǵy 3 maýsymdaǵy № 625 qaýlysyna tolyqtyrý engizý týraly qaýlysy jarııalandy. Qujatta Qazaqstan Respýblıkasynyń áýejaılaryndaǵy arnaıy bólingen zaldarda qyzmet kórsetiletin adamdardyń tizbesine «Altyn qyran» (Zolotoı Orel) ordeniniń jáne «Halyq qaharmany» (Narodnyı geroı), «Qazaqstannyń Eńbek eri» ataqtarynyń ıegerleri engiziletindigi aıtylǵan.
Qaýly jobasy 2024 jyldyń 10 qańtaryna deıin qoǵamdyq talqylaýǵa shyǵarylyp otyr.
