Áýejaılardy jańartýǵa qarajat qaıdan bólinedi
ASTANA. KAZINFORM — Úsh jylda eldegi áýejaılardyń ınfraqurylymyn jańartý erekshe baqylaýda bolady. Bul týraly búgin Úkimet otyrysynda Kólik mınıstri Nurlan Saýranbaev málim etti.
— Áýejaılar ınfraqurylymyna toqtalsaq, aldaǵy úsh jyldyń ishinde olardyń modernızatsııasyn jasaımyz. Іri áýejaılarmen qatar, óńirlik shaǵyn nysandarǵa da erekshe kóńil bólinip otyr. Memleket basshysynyń tapsyrmasyna sáıkes týrıstik Katonqaraǵaı, Zaısan jáne Kendirli aeroporttarynyń qurylysy jáne Arqalyq áýejaıyn qalpyna keltirý jumystary istelip jatyr, — dedi Nurlan Sýranbaev.
Onyń aıtýynsha, aerohabtardy damytý jumysy 6 iri áýejaıǵa baǵyttalǵan (Almaty, Astana, Aqtaý, Aqtóbe, Qaraǵandy, Shymkent).
Ol úshin ınstıtýtsıonaldyq jáne ınfraqurylymdyq jaǵdaılar jasalyp jatyr.
— Aeroporttardyń jańartý jumystarynyń negizgi bóligi jeke ınvestıtsııa esebinen iske asyp keledi. Atap aıtqanda, 14 mamyrdaǵy Túrkııa Respýblıkasy Prezıdentiniń sapary barysynda Almaty áýejaıyn jańǵyrtý boıynsha ınvestıtsııalyq kelisimge qol qoıyldy, — dedi mınıstr.
Buǵan deıin qazaqstandyq áýe kompanııalaryna Taıaý Shyǵystaǵy jaǵdaı qalaı áser etip jatqanyn jazǵan edik.
2025 jyly qazaqstandyq áýe kompanııalar 15 mln jolaýshy tasymaldady. Bıylǵy alǵashqy 4 aıda jolaýshylar sany 4 mln-nan asty.
