Áýejaılar ashyldy, blokpostar nege alynbady – Bas sanıtar jaýaby
«Birinshiden, karantındi jumsartý sharalary jaǵdaıǵa qaraı kezeń-kezeńimen júrgiziledi. Avtobýstar men jeńil kólikke qaraǵanda, áýe reısin halyqtyń az bóligi qoldanady. Ekinshiden, elimizdiń ár óńirindegi jaǵdaı ár túrli. Qazirgi tsıfrlardan óńirler jaǵdaıynyń teńeskenin kórip otyrǵan joqpyz. Keı óńirde juqtyrýdyń eń tómengi kórsetkishi tirkelse, ózge óńirde – kerisinshe joǵary», - dedi bas sanıtarlyq dáriger QR Densaýlyq saqtaý mınıstrliginiń Feısbýktegi baspasóz máslıhatynda.
Spıkerdiń aıtýynsha, barlyq sheshim koronavırýs ınfektsııasyn qosymsha taratpaý úshin qabyldanyp jatyr.
«Sondyqtan, jeńildetýdiń birinshi kezeńinde áýe reısteri iske qosyldy. Kelesi kezeńde – temir jol kóligi. Bálkim, odan keıingi kezeńderde óńirler arasyndaǵy blokposttar alynatyn shyǵar. Keı óńirler óz ishindegi blokbeketterdi alyp tastady. Sondyqtan da, koronavırýs ınfektsııasynyń qaıta taraýyna jol bermeý úshin blokposttar ashylmaıdy», - dedi A, Esmaǵambetova.
Buǵan deıin bas sanıtarlyq dáriger Qazaqstan áýejaılarynda ózge elde júrgizilgen PTR testiniń nátıjesi qabyldanatynyn habarlaǵan edi.
Sonymen birge, COVID-19 naýqasymen baılanysta bolǵandar eki topqa bólinetin bolady .