Áýejaıǵa ushaq qulap, saldarynan 4 adam ajal qushty
ASTANA. QazAqparat - Qos motorly ushaq Amerıkanyń Kanzas shtatyndaǵy Ýıchıto qalasynyń áýejaı ǵımaratyna soǵylǵan.
Áýe salasynyń mamandary habarlaǵandaı, apat nátıjesinde tórt adam kóz jumǵan, taǵy beseýi jaralandy. Al Hawker Beechcraft King Air ushaǵynyń bortynda 1 ǵana adam bolǵan. Ushýǵa bet alǵan sátinde-aq áýe kóliginiń dvıgatelderiniń biri isten shyqqan, ol eki qabatty ǵımarattyń tóbesine qulaǵan. Saldarynan ǵımarattyń bir bóligi buzylyp qalǵan. Abyroı bolǵanda, ushqyshtyń ózi tiri qalǵan. Ushaq Ýıchıtodan Arızona shtatyndaǵy Mena qalasyna bet alyp bara jatqan. Onyń dvıgateliniń isten shyǵý sebepteri ázirge belgisiz. Aıta keteıik, bul Mıd-Kontınent áýejaıy Kanzastyń asa iri áýe qyzmeti bolyp tabylady, dep habarlaıdy ITAR-TASS.
