Áýejaıdan jarylǵysh zattyń mýlıajyn alyp ótpek bolǵany úshin 15 táýlikke qamaldy
ASTANA. KAZINFORM — Astana qalasynyń ákimshilik quqyq buzýshylyqtar jónindegi mamandandyrylǵan aýdanaralyq soty usaq buzaqylyq jasaǵan azamatqa qatysty isti qarady.
— Ol Astana halyqaralyq áýejaıynda tekserýden ótý kezinde ózimen birge jarylǵysh zattyń mýlıajyn saqtaǵan. Osylaısha, ol qoǵamdyq tártipti, jeke tulǵalardyń tynyshtyǵyn jáne áýejaıdyń tehnıkalyq protsesterin qasaqana buzyp, jolaýshylar men áýejaı qyzmetkerleriniń evakýatsııalanýymen dabyl jarııalanyp, nátıjesinde reıstiń keshigýine ákep soqqan, — delingen habarlamada.
Sotta ol quqyq buzýshylyq faktisin moıyndap, jasaǵan áreketine ókinip, aldaǵy ýaqytta mundaı quqyq buzýshylyqtarǵa jol bermeýge ýáde berdi.
Jasalǵan quqyq buzýshylyqtyń mán-jaılary, ózine qatysty is qaralyp jatqan adamnyń túsiniktemelerinen basqa, ákimshilik quqyq buzýshylyq týraly hattamamen, mýlıajdy tárkileý aktisimen, sondaı-aq ınspektordyń hattamasymen rastaldy.
Sot qaýlysymen aıypty ÁQBtK 434-babynyń 1-bóligimen kináli dep tanylyp, oǵan 15 táýlik merzimge ákimshilik qamaqqa alý jazasy taǵaıyndaldy.
Jaza qoǵamǵa teris áser etken jáne qoǵamǵa qurmettemeýshilik bildirgen, belgilengen qoǵamdyq tártipke qol suǵatyn jáne kináli adamnyń da, onyń aınalasyndaǵylardyń da ómiri men densaýlyǵyna qaýip tóndiretin is-árekettiń dárejesi men sıpatyn eskere otyryp belgilenedi.
Qaýly zańdy kúshine engen joq.
Aqtóbede jappaı tóbeleske qatysqan 10 aıyptalýshynyń isi sotta qaralyp jatyr.