Áýejaıdaǵy órtten 18 adam zardap shekti
ASTANA. 15 qańtar. QazAqparat - Nıý-Iorktiń Djon Kennedı atyndaǵy áýejaıynda órt shyǵyp, 18 adam zardap shekti, dep habarlady Reseıdiń «Jańalyqtar» aqparat agenttigi, NBC telearnasyna silteme jasap.
Taratylǵan aqparatqa qaraǵanda, órt Lufthansa kompanııasynyń júk termınalynda shyqqan. Polıtsııa málimetterinshe, qoqys salatyn konteınerlerdiń biri qyzyl jalynǵa oranyp, onda órtengen azyq-túliktiń ıisinen áýejaıdyń 18 qyzmetkeri zardap shekken. Olardyń 4-eýi aýrýhanaǵa jetkizilse, qalǵandaryna oqıǵa ornynda alǵashqy medıtsınalyq kómek kórsetildi.
