Áýejaıdaǵy ereýil saldarynan myńdaǵan týrıster júkterinsiz qaldy
ASTANA. QazAqparat - Rımdegi "Fıýmıchıno" áýejaıynda ıtalıandyq Alitalia áýe kompanııasynyń júkshileriniń ereýili saldarynan myńdaǵan týrıster ózderiniń júkterine qol jetkize almaı qaldy, dep habarlaıdy RIA Novostı.
Ereýil keshe keshke bastalǵan. Jergilikti BAQ-tyń habarlaýynsha, Italııadan júzdegen ushaqtardyń jolaýshylary qol júkterinsiz ushyp ketýge májbúr bolǵan. Óz kezeginde atalmysh áýejaı ókili qazirgi sátte ereýilge baılanysty júkterdi berýde kedergilerdiń týyndaýy ýaqytsha ekenin jetkizdi. Aıta keteıik, Alitalia-nyń júk tıeýge jaýapty qyzmetkerleri Italıanyń ulttyq áýe tasymaldaýshysy men BAÁ-niń Etihad Airways áýe kompanııasy arasynda jasalǵan kelisimge sáıkes personal sanyn qysqartýǵa qarsy shyǵyp otyr. Onyń negizinde ıtalıandyq kompanııanyń jer ústinde qyzmet kórsetetin 1590 qyzmetkerin qysqartý josparlanýda. Al jalpy 2000-ǵa jýyq adam jumysynan bosatylmaq. Osylaısha, Etihad Airways ıtalıandyq kompanııany qutqarý úshin 1,2 mlrd. evro salmaq nıette.
