Áýejaıdaǵy oqys oqıǵa: zardap shekken áıelge kómek kórsetiledi

ASTANA. KAZINFORM — Almaty halyqaralyq áýejaıynda kepilge alynǵan avıatsııalyq qaýipsizdik qyzmetiniń qyzmetkerine psıhologııalyq kómek kórsetiledi, dep habarlaıdy Kazinform tilshisi.

— Almaty áýejaıy atalǵan oqıǵa kezinde zardap shekken qyzmetkerine psıholog qyzmetin usyndy, sonymen qatar oǵan aldaǵy ýaqytta da qajetti kómekti kórsetetin bolady, — dep atap ótti Almaty halyqaralyq áýejaıy korporatıvtik kommýnıkatsııa departamentinen.

Eske salsaq, osyǵan deıin Almaty áýejaıynda jolaýshy qyzmetkerdiń shashynan tartyp, kópshilik aldynda pyshaq kezengenin jazǵan edik.

Keıinnen Prezıdent áýejaıda qylmyskerdi ustaýǵa kómektesken azamatty memlekettik nagradaǵa usynýdy tapsyrdy.

Sondaı-aq Almatyda áýejaıyndaǵy kúdiktiniń buǵan deıin avtobýsta qyzdy urǵany belgili boldy.

Al, erligimen eldi tánti etken Musa Ábdiraıym Kazinform tilshisine qysqasha suhbat berdi.

Budan bólek Almaty áýejaıynda qaskóıdiń qolynan pyshaqty julyp alyp, erlik jasaǵan er adam týraly jańa aqparat paıda boldy.