Áýejaıdaǵy qyzmet kórsetý oryndarynyń baǵasyna shaǵym kóp

ASTANA. KAZINFORM – Básekelestikti qorǵaý jáne damytý agenttigi Azamattyq avıatsııa komıtetimen birlesip, áýejaıdaǵy qyzmet kórsetý oryndarynyń baǵasyn rettep jatyr. Bul týraly atalǵan agenttik tóraǵasy Marat Omarov aıtty.

«Áýejaıdyń arnaýly aımaqtaryndaǵy qyzmetke, shaı, kofe jáne basqalarynyń qymbat bolýyna qatysty shaǵym bar. Osyǵan oraı qazirgi ýaqytta Azamattyq avıatsııa komıtetimen jumys istep jatyrmyz. Bul negizininen Almaty men Astana qalasyna qatysty», - dedi Marat Omarov elordada ótken baspasóz máslıhatynda.

Onyń sózine qaraǵanda, Básekelestikti qorǵaý jáne damytý agenttigi táýelsiz jetkizýshilerdiń áýejaıǵa kirýine múmkindik alyp bergen. Dál osy jaıt jaǵdaıdyń jaqsarýyna septigin tıgizip otyr.

«Biz úshin basty ındıkator – baǵanyń qaladaǵydaı bolýy. Ásirese, Sturbucks syndy brendter. Bul biz úshin Tabıǵı monopolııalardy retteý komıtetimen birge qarastyratyn jaıt. Óıtkeni, áýejaılar tabıǵı monopolııaǵa kiredi», - dedi agenttik tóraǵasy.