Áýejaıda jeke múlik búlinse, ótemaqy qalaı tólenedi

ASTANA. KAZINFORM – Jolaýshy ushqanda nemese qonǵan sátte júgi búlingen jaǵdaıda ne isteý kerek? Elordanyń halyqaralyq áýejaıy ótemaqy máselesin túsindirdi. 

— Júgińizdi alǵanda, zaqym kelgenin baıqadyńyz ba? Dereý áreket etińiz. Aldymen júkti alý aımaǵyndaǵy áýe kompanııasynyń ókildigine júginińiz. Júktiń zaqymdanǵany týraly aktini toltyrýdy surańyz — mańyzdy qujat. Keıin ótemaqy tóleý týraly ótinish jazyńyz, talapty áýejaıda nemese onlaın jazýǵa da bolady, — dep túsindirdi áýejaı ókili.

Sodan soń áýe kompanııasy tekseris júrgizip, keltirilgen zaqymnyń sıpatyn baǵalaıdy.

— Eger áýe kompanııasynyń kinási dáleldense, zalaldy óteıdi. Ótemaqy aqshalaı nemese jańa shabadan beriledi, — dep naqtylady ol.

Aıta keteıik, balalarmen ushýǵa qandaı talaptar men jeńildikter usynylatyny týraly jazǵan edik. 

Eske salaıyq, Kólik mınıstrligi elorda áýejaıyn damytýǵa 1,1 mlrd dollar ınvestıtsııa tartpaq.