Áýejaıda jalǵan qujat kórsetken jolaýshylar shekara asa almaı qaldy
ALMATY. QazAqparat - Almaty áýejaıynda jalǵan qujatpen memlekettik shekaradan ótpek bolǵan jolaýshylar ustaldy, dep habarlaıdy QazAqparat tilshisi Almaty halyqaralyq áýejaıynyń Feısbýktegi paraqshasyna silteme jasap.
«10 aqpanda «Ystanbul-Almaty» RS-100 reısiniń jolaýshylaryn tirkeý kezinde Túrkııa azamaty týǵan aǵasynyń qujatymen ótip ketpek bolǵan. Ol óz elinde otandyq boryshyn óteýden qashqan. Sol sebepti oǵan óziniń qujatymen shyǵýyna tyıym salynǵan», - dedi shekara qyzmetinen.
Odan bólek Irak azamaty men Aýǵanstan azamaty shekarany jalǵan qujatpen buzbaq bolǵan. Irak azamaty ózin Frantsııanyń azamaty retinde tirkemek bolǵan.
Quqyq buzýshy azamattar Almatydan Eýropaǵa ótip ketkisi kelgen. Bul derekter boıynsha tekserý júrip jatyr.
