Áýejaıda qol júgine qatysty jańa erejeler engizildi: neni bilý qajet

ALMATY. KAZINFORM – Qazaqstan áýejaılarynda jańa ereje kúshine endi.

Almaty halyqaralyq áýejaıy avıatsııalyq qaýipsizdik erejelerine engizilgen ózgerister men tolyqtyrýlarǵa qatysty túsinikteme berdi.

- Jańa avıatsııalyq qaýipsizdik talaptaryna sáıkes, elimizdiń barlyq áýejaıy, sonyń ishinde Almaty halyqaralyq áýejaıy da áýe kemesimen tasymaldaýǵa tyıym salynǵan zattardy saqtaý tájirıbesin toqtatady. Atalǵan ózgerister avıatsııalyq qaýipsizdik júıesin halyqaralyq tájirıbe men standarttarǵa sáıkestendirý, sondaı-aq jolaýshylarǵa qyzmet kórsetý protsesin ońtaılandyrý jáne qaýipsizdik rásimderin jedeldetý maqsatynda qabyldandy, - dep habarlady áýejaıdan.

Sonymen qatar qol júginde kólemi 100 ml-den asatyn suıyqtyqtardy, aerozolderdi jáne gelderdi, sondaı-aq basqa da qaýipti zattardy alyp júrýge tyıym salynady. Odan bólek avıatsııalyq qaýipsizdik talaptaryna sáıkes, zaýyttyq qaptamasy joq ónimderdi de azamattyq áýe kemelerinde tasymaldaýǵa bolmaıdy. Mundaı zattar tekserý barysynda alynyp, keıin belgilengen tártippen joıylady.

- Tárkilengen nemese avıatsııalyq qaýipsizdik talaptaryna sáıkes kelmeıtin zattardy jolaýshylar shyǵaryp salýshy azamattarǵa qaldyra alady. Qaýipsizdik talaptarymen aldyn ala tanysý jolaýshylarǵa tyıym salynǵan zattardyń alýǵa jol bermeýge, sondaı-aq baqylaý rásimderinen jyldam ári yńǵaıly ótýge múmkindik beredi, - dep túsindirdi Almaty áýejaıy.

Eske salaıyq, buǵan deıin Almaty áýejaıynda er adam ózin órtemek boldy.

Keıin er adam bul áreketke ne úshin barǵany belgili boldy.