Áýejaıda Kalashnıkov avtomatyn alyp ótpek bolǵan er adam ustaldy
ASTANA. QazAqparat - AQSh-tyń Nıýark qalasyndaǵy áýejaıda júginde Kalashnıkov avtomaty jáne 70-ke jýyq oǵy bar er adam ustaldy.
Polıtsııa ókiliniń aıtýynsha, Adam Ýrbano esimdi Valparaıso qalasynyń 32 jasar turǵyny (Indıana shtaty) quryqtalǵan. Ol Chıkagoǵa (Illınoıs shtaty) ushpaq bolǵan. Jergilikti BAQ-tyń derekterine qaraǵanda, Ýrbanonyń bul qarýǵa lıtsenzııasy joq.
Oǵan qarýdy jáne birneshe oqty zańsyz saqtaǵany úshin aıyp taǵyldy. Jaqyn kúnderi ol sot aldynda jaýap beretin bolady.
