Áýejaıda ınkassatorlar 3 mıllıonnan astam dollardan aıyrylyp qaldy
ASTANA. QazAqparat - OMON qyzmetkerleriniń kıimin kıgen baýkespeler Máskeýde «Sheremetevo» áýejaıyndaǵy «E» termınalynan 3 mıllıonnan astam dollardy alyp ketken.
Bul týraly quqyq qorǵaý organdarynyń ókili habarlady.
Onyń aıtýynsha, OMON qyzmetkerleriniń kıimin kıgen belgisiz bireýler Dýbaıdan ushyp kelgen azamattyń ınkassatorlarǵa tapsyrǵan 3,3 mıllıon dollaryn urlap ketken. Ótken dúısenbide quqyq qorǵaý organdaryndaǵy derekkóz erekshe maqsattaǵy mılıtsııa jasaǵy qyzmetkerleriniń kıimin kıgen belgisiz jeti adamnyń "Sheremetevo" áýejaıyndaǵy termınaldan iri kólemdegi qarajatty qoldy etip, "Shevrole" kóligimen izin sýytqanyn habarlady.
RF ІІM OFO boıynsha kólik basqarmasynyń baspasóz qyzmeti aqsha urlanǵan faktini rastady.
