Áýejaıda eki jolaýshylar ushaǵy soqtyǵysyp qaldy
ASTANA. QazAqparat - Londondaǵy Stensted áýejaıynda ırlandııalyq Ryanair áýe kompanııasynyń eki jolaýshylar ushaǵy jer betimen júrip burylǵan kezderinde soqtyǵysyp qalǵan.
Oqıǵa áýe kemeleriniń turaǵynda oryn alǵan. Olardyń biri Varshavaǵa ushýy tıis, al ekinshisi Maındaǵy Frankfýrttan ushyp kelgen Boeing-737-800 ushaǵy bolǵan. Oqıǵa saldarynan bir ushaqtyń qanaty zaqymdansa, ekinshisiniń artqy bóligi japa shekken. Ushaqtardaǵy jolaýshylar dereý syrtqa shyǵarylǵan, zardap shekkender joq, dep habarlaıdy ITAR-TASS. Sondaı-aq polıtsııa qyzmetkerleri ushqyshtardy alkogoldi ishimdikti tutynýlaryna teksergen, alaıda bul kúdik teriske shyqqan.
