Áýejaı mańyndaǵy jerdi satqany úshin aýdan ákimdiginiń burynǵy qyzmetkerleri tergelip jatyr

ALMATY. QazAqparat – Almaty oblysynda áýejaı mańyndaǵy jer ýchaskelerin zańsyz tárkilep, saýdalaǵany úshin aýdan ákimdiginiń burynǵy qyzmetkerlerine qatysty sotqa deıingi tergeý amaldary bastaldy, dep habarlaıdy QazAqparat tilshisi.

«Almaty oblysy boıynsha Sybaılas jemqorlyqqa qarsy is qımyl qyzmeti Eńbekshiqazaq aýdany ákiminiń burynǵy orynbasaryna, «Talǵar aýdany Panfılov aýyldyq okrýgi« MM burynǵy bas mamandaryna qatysty sotqa deıingi tergeý amaldary bastaldy. Olarǵa qatysty uıymdasqan qylmystyq top qurdy degen kúdik bar» delingen habarlamada.

Agenttiktiń málimdeýinshe, 2015-2019 jyldary bul tulǵalar Panfılov aýyldyq okrýginiń burynǵy ákiminiń basshylyǵymen Talǵar aýdanynyń Qyzyltý aýyly men áýejaı mańynan memlekettik qordaǵy jer ýchaskelerin zańsyz tárkilegen.

«Jalpy aýdany 12,733 ga jer ýchaskesi 191 adamǵa satylǵan. Osylaısha memlekettiń múddesine zııan keldi. Qazir tergeý jumystary júrip jatyr», - dedi vedomstvodan.

Aıta ketý kerek, byltyr 27 jeltoqsanda Almaty-Nur-Sultan baǵytyndaǵy «Bek Air» reısi áýege kóterilgen kezde beton qorshaýǵa soǵylǵan.

Qaıǵyly oqıǵanyń hronologııasymen myna siltemede tanysýǵa bolady.

.