Áýejaı mańynda kólik jarystyrǵan aqtóbelikter ákimshilik jaýapqa tartyldy
AQTÓBE. KAZINFORM – Eki kólik te aıyp turaǵyna qoıyldy. Al kólik ıeleri Ákimshilik quqyqbuzýshylyq týraly kodekstiń 590-baby boıynsha jaýapqa tartyldy.
Eki kólik júrgizýshisi Aqtóbe qalasynda ornalasqan halyqaralyq áýejaıǵa barar jolda jarys uıymdastyrdy. Bul sát kóshedegi beınebaqylaý kamerasyna túsip qalǵan. Polıtsııa júrgizýshilerdi dereý anyqtap, kólikti aıyp turaǵyna qoıdy.
- Kúdizgi ýaqytta BMW jáne Chevrolet avtokólikteriniń joǵary jyldamdyqpen qozǵalyp, qaýipti manevrler jasap, is júzinde kóshe jarysyn uıymdastyrǵany anyqtaldy. Olar jol qozǵalysy erejelerin óreskel buzyp, basqa qatysýshylardyń ómiri men densaýlyǵyna naqty qaýip tóndirgen. Júrgizýshilerdiń kim ekeni anyqtaldy. Olarǵa Ákimshilik quqyqbuzýshylyq týraly kodekstiń 590-baby boıynsha aıyp taǵyldy. Mindettemeler tolyq oryndalǵanǵa deıin kólik aıyp turaǵynda turady,- dep habarlady Aqtóbe oblystyq PD baspasóz qyzmeti. Kólik júrgizýshileri buryn-sońdy kólik jarystyrý boıynsha jaýapqa tartylmaǵan.
Aıta keteıik, Almatynyń Ál-Farabı dańǵylynda jarys uıymdastyrǵan birneshe júrgizýshi jazalandy. Quqyq buzýshylarǵa qatysty qaýipti manevr jasaý, qarsy jolaqqa shyǵý, jol-kólik oqıǵasyna ákelýi múmkin jaǵdaı týyndatý, kólik quralyn basqarý kezinde uıaly telefon paıdalaný, sondaı-aq qaýipsizdik beldigin taqpaý faktileri boıynsha ákimshilik jaýapkershilik sharalary qoldanylǵan.
