Áýejaı qyzmetkeri Qyzyl kitapqa engen qustardy ushaqpen shetelge jóneltken
NUR-SULTAN. QazAqparat – «Nursultan Nazarbaev halyqaralyq áýejaıy» AQ keshendi aýysym bastyǵy M. atty azamat sırek kezdesetin jáne joıylý qaýpi bar qustardy Birikken Arab Ámirlikterine berip jibergen, dep habarlaıdy QazAqparat qalalyq sottyń baspasóz qyzmetine silteme jasap.
Kontrabandalyq jolmen alyp ótken qustardyń arasynda 32 suńqar bolǵan. Sonyń ishinde 25-i - suńqar balapany, bireýi - ıtelgi-lashyn jáne altaýy - býdandastyrylǵan suńqar.
Sotta anyqtalǵandaı, sottalýshy keden baqylaýy arqyly qustar salynǵan sómkeni alyp ótip, júk tasýshyǵa «Astana-Shardj» halyqaralyq reısiniń ushaq bortyna júkti salýdy tapsyrǵan.
№2 Esil aýdandyq sotynyń úkimimen azamat M. qylmystyq jolmen ıelengen múlki tárkilenip, 1 jyl 6 aıǵa bas bostandyǵynan aıyryldy.
Úkim zańdy kúshine endi.
