Áýejaı ataýyn ózgertý - damýǵa bastar jańa jol
Shymkentte shaǵyn kásibin dóńgeletip júrgen Hýseın Chalyshhan «el prezıdentine osylaı qurmet kórsetý - jarasymdy» deıdi. Shahar tórinde túrik ashanasyn ashyp, qazaq bıliginiń márttigin kórgen azamat Qazaqstandaǵy eleýli jańalyqtardy qalt jibermeıdi. Úkimettiń mańyzdy qaýlysy burynnan kútilgen sheshim ekenin ekshedi. Kásipker bul bastama buǵan deıin de birneshe márte kóterilgenin biledi.
«Qonaq kelse, qoı egiz tabady» degen. Halyqaralyq mańyzdy sharamen tuspa-tus bul sheshimniń qabyldanýy - Qazaqstannyń álemdik qaýymdastyq aldynda bıik beleske bet alǵanyn kórsetedi», - deıdi kásipker.
Ol sondaı-aq postkeńestik keńistikte áýejaılar ataýsyz bolǵan. Búgingi qadam sol kezeńmen qosh aıtysyp, damýdyń jańa satysyna jol bastaǵanmen para-par ekenin aıtty. Túrkııada Atatúrik áýejaıy bar. Bul nysan arqyly týrıster, memlekettiń mártebeli qonaqtary eldiń eleýli tulǵalaryn tanıdy. Eńbegin baǵamdaýǵa múmkindik alady. Strategııalyq mańyzy orasan nysanda tek beıbit ushyp-qoný amaldary oryndalýyn tileıdi.
«Áýejaılarǵa adam esimderin berý tájirıbesi negizinen batystyq demokratııalyq álemge tán. Parıjdegi áýejaı Sharl de Goll atynda, sondaı-aq Nıý-Iork qalasynda Kennedı esimi, Vashıngton shaharynda Dalles esimi berilgen áýejaılar bar. Bas qaladaǵy halyqaralyq áýejaıǵa Prezıdent esimi berilýi baıypty qabyldanǵan sheshim dep esepteımin», - deıdi Hýseın Chalyshhan.
